Кездесуге Ауған соғысы ардагерлері Т. Теткеусизов, А. Нурбеков, И. Сеитбеков, Д. Иманбеков, Е. Наурызбаев қатысты. Кездесудің бірінші бөлімінде Ауған жеріне жіберілген жас сарбаздар туралы көрініс, видеофильм көрсетілді. Көрініс соңында «Тәуелсіздіктің ұрпақтары» тақырыбында студенттердің әскери спорттық дайндығы көрсетіліп, қонақтарды бір серпілтіп тастады. Екінші бөлімде ардагерлер студенттердің сұрақтарына жауап беріп, өз естеліктерімен бөлісті. Кездесудің үшінші бөлімі студенттердің дайындаған концертіне ұласты. Концерт соңында колледж директоры Б. Саурамбаева ардагерлердің қаһармандық ерліктері туралы айтып, ардагерлерге колледж атынан «Алғыс хат» табыстады.
