Ол – Ұстаз! Алғаш "Әліппенің” бетін ашып, әріп танытқан, өмірдің қыр-сырын білуге, сан қилы құбылыстарды терең түсінуге мұрындық болып, жан дүниеңе нұрлы шуақ түсіріп, адамгершілікке баулыған мұғалімнің бейнесі көңіл төрінен орын алады ғой.Дәл осы мақсатта, 411 топ студенттерімен "Баланың мектептегі алғашқы күндері" практикасына қадам бастық. Әрине болашақ жас мамандар үшін өте қызық, әрі естен кетпестей болары анық еді. Алдағы алты күн, алты мақсат, алпыс асу алты мыңдаған ойлардан тұратын еңбектің нәтижесін айтар кез келді. Осы апта ішінде болашақ жас мамандар мақсат қоюдан бастап нәтижеге дейін жетті.Студенттердің ата аналары мен сынып жетекшілерімен, мектеп оқушыларымен қарым-қатынас жасай алуы көз қуантты.
Практиканың алғашқы күні әдіскерлеріміз Асанова.Нұргүл Сейткамалқызы мен Қоңырбаева Айман Ескелдіқызы апайлардың бізге берген бағытымен , мектеп табалдырығын айқын мақсаттармен аттандық. Осынау практикада сынып жетекшісіне балаларды қабылдауға көмектесіп, баланың мектепке қаншалықты дәрежеде дайындығын анықтау мақсатында диагностикалық жұмыстар жүргіздік. Қорытындысын шығарып, ата-аналарына ұсыныстар да айттық.
Студенттер әрбір 1-сынып оқушы тұлғасының мектепке қаншалықты бейімділігін байқай отырып, психологиялық-педагогикалыұ мінездеме жазды. Практика жоспарында көрсетілген міндеттерді орындай отырып, қорытындысын шығардық. «Армандарға бастаған алғашқы қадам» тақырыбында практиканың қорытынды есеп беру конференциясын өткіздік.
https://zhgtk.kz/kz/2018-09-21-12-24-32/184-balany-mekteptegi-al-ash-y-k-nderi#sigFreeId25e037e739
